1
Industrialderako sarbidea amaituko dugu,mugikortasuna hobetzera begira; eta Euskalerria kalea oinezkoentzako bide egingo dugu, garajeetarako sarbidea libre utziz.
2
Aldizkako bilerak egingo ditugu auzoen beharrizanak eta Zaldibarko gizarte taldeen beharrak ezagutzeko.
3
Hezkuntza lehenetsiko dugu, Eusko Jaurlaritzarekin batera eskola azpiegiturak handitzeko edo eraberritzeko konpromisoa hartuz.
4
Ospitale psikiatrikoko parkea berreskuratuko dugu eta Zaldibarko herritarrentzako aisia-gune bihurtuko dugu.
5
Kultur Etxerik onena bultzatuko dugu herriko alderdi politiko guztiekin eta talde sozial eta elkarteen laguntzarekin.
6
Gune publikoetan doako Wifi guneak jarriko ditugu komunikazioa errazteko, eta udalaren web gunea hobetuko dugu erabilera erraza eta zerbitzuak).
7
San Andreserako sarbideak hobetuko ditugu, igogailua jarrik9o dugu; herrigunean eskailera mekanikoak jarriko ditugu eta N-634 errepidearen trafiko arazoak konpontzeko ahalegina egingo dugu.
8
Eusko Jaurlaritzaren laguntzarekin osasun zentroa gure herritarren benetako beharren arabera egokituko dugu.
9
Instalazio elektrikoak eta argiteria publikoa eraberrituko ditugu eta iraunkortasun energetikoa eta energia berriztagarrien aldeko apustua egingo dugu.
10
Gure herriko kaleen garbiketa hobetuko dugu eta hondakinak batzeko lur azpiko edukinontziak jartzeari ekingo diogu.
