Iñaki Cuadra Kintana naiz, adopzioz eta bihotzez urduñarra. Bizikide Mari Jose dut eta bi seme-alaba ditut, Goizane eta Gartzen izenekoak. Beste askok bezala, Urduñatik kanpo egiten dut lan, eta hiriaren kultur nahiz kirol elkarte askoren kidea izan naiz eta banaiz. Orain EAJ-PNVren Urduñako alkategaia naiz.
Alkategaia izateko aukeratu nindutenean, niregan jarritako konfiantzagatik ilusio handia sentitu nuen, baita erantzukizun handia ere. Ordutik hona, elkarte askorekin dudan harreman zein proiektu erakargarria osatzeko egindako lanari esker, urduñar askorekin mintzatu ahal izan naiz, eta denen diagnostikoa berbera izan da: Urduñak askoz gehiago balio du; hiria baloratu behar da; eraginkortasuna lortzeko irizpideak erabili behar dira; ahal beste baliabide aprobetxatu behar da; urduñarrak kontuan hartu behar dira, hiriaren DNA dira eta.
Hori guztia entzunda, inguruari beste era batean begiratzen zaio, eta adierazpen horiek guztiak errealitatean islatzeaz gain, XXI. mendeko Urduña posible delako ideia indartzen dute; baliabideak dituela, eta, era egokian erabiliz gero, konponbideak ekarriko dituztela; etorkizuna itxaropentsua dela; gure lanari esker, biziki maite dugun Hiri hau nabarmen hobetu dezakegula; geroan nork bere bizi-proiektua eraikin dezakeela, berdintasuna eta ongizatea ezaugarri dituzten bizi-proiektuak, biztanleekin atsegina den Hirian.
Gure lana, zalantzarik gabe, nekeza da, baina aipatutako helburuak lortu nahiak animatu eta poztu egiten gaitu, Urduñak merezi duela uste dugu eta. Niretzat alkategaia izatea ohorea da, eta, horri esker, erakunde publikoari nire hiritarren esanetara egoteko pasioa ekartzea ere bai.
Urduña hazi arazi nahi dugu
