Euskaraz diogunez, ‘Gogozko tokian, aldaparik ez’. Horixe gertatzen zait niri Urdulizko herriarekin.
Zinegotzi- edo alkate-lanetan, gure udalaren zerbitzuko eman ditudan urte hauetan guztietan egindakoez pentsatzen hasten naizean, oroitzapen atseginek alde izugarria ateratzen diete gainerako geraterei. Eta egia esatera, gehiago nahi izaten dugu beti. Lanean segitzeko arrazoiak aurkitzen ditut une oro; norberaren helburua lortzeko arrazoiak.
Urte hauetan guztietan, nik neuk eta zuek guztiok eraldaketa handia ikusi dut gure udalerrian. Proiektuen maketak egiazko bilakatzen ikusi ditut. Baina proiektuon bilakaeran ere parte izan dut zuzen-zuzenean, Urdulizen izatea eta funtsa lausotu ez daitezen. Horixe delako berton bizi garen pertsona guztien nahia; badakigu Urduliz egun zer den eta iraganean zer izan den, eta badakigu gure etorkizuna hertsiki lotzen zaiola gauza guztien gainetik dagoen urduliztar izateko atxikimenduari.
Alabaina, etorkizuna ez dago inoren zain. Ezin gara geldirik egon, etorkizuna gure gainetik noiz igaroko ote den. Nik neuk, behintzat, nire esku dagoen guztia egingo dut erabakitzeko ahalmena badaukagula bermatzeko. Gainera, aitortzen dizuet ilusioa eta adorea sobera dauzkadala. Dena dela, baliteke guzti-guztia guk nahi dugun moduan ez gertatzea, baina horretarako ere prest egon behar dugu. Izan ere, zalantza izpirik gabe, gauza batzuk lortzea oso nekeza izango da -denbora luzea, ahalegin handia eta, segurutik, buruhauste batzuk- baina zinez diotsuet, azkenean, ondo egindako lanaren pozak edozein esperientzia txar burutik kentzen duela.
Ez dakit arestian aipatu dizuedan Urdulizko zaletasuna lerro hauetan islatzeko gauza izan naizen. Nolanahi ere den, zuotako askok eta askok ere gure herriaren aldeko grina duzuela badakidanez, bidelagun izan nahi zaituztet bidaia horretan. Alboan izango nauzue amets egin dezakegun Urduliz onena lortzen lan egiteko.
Urdulizen etorkizuna lantzen jarraitu nahi dugu
