Ikus dezakezuen moduan, aurten beste urrats bat eman eta Otxandioko alkatetzara aurkeztea erabaki dut. Erronka honi ilusioz eta gogoz aurre egiten diot, beti ere herriaren onerako lan eginez.
Horretarako, kudeaketa zorrotz eta erabat gardena egin nahi dut, gure bizilagunen ongizatean eragina duten ekintzekin.
Badakizue nor naizen; zorionez, nire taldearentzat eta niretzat ere, duela urte asko elkar ezagutzen baikara eta badakizue zein den nire lan egiteko era. Beti inplikatuta, gertuko eta konplexurik gabeko politika egiteko modua dut gogoko..
Hainbat urtez zinegotzi izan ondoren, gaur egun dauzkagun beharrak eta gabeziak ezagutzen ditut, azken legegintzaldian onartutako proiektu batzuk egiteke dauden oraindik, hain zuzen, alokairu sozialeko etxebizitzak, kultur etxearen hobetzea, eta frontoia eta udal eraikina bera berritzea... oraindik badago zer egin. Halaber, gaur arte udaletxetik pasatu diren guztiei nire esker ona luzatu nahi dizkiet beti ere beraien borondate onenarekin herriaren alde egin izan dituzten ekintza eta proiektu guztiengatik.
Beti prest, iraganeko akatsetatik ikasiz etorkizuna hobetzeko bidean, ez nau zuzentzeak beldurtzen. Erretorika gehiagorekin ez aspertzeko, eskaera batekin amaitu nahiko nuke; Bozkatu. Ez da hain garrantzitsua zeri nori baino, eta jakizue gugan zuen konfiantza jarri ezkero azala utziko dugula bidean.
Otxandio hobetzeko lan egingo dugu
