1
Herri garbia eta txukuna nahi dugu, eta neurriak hartu eta kanpainak sustatuko ditugu. Edukiontzi bidezko sistema garbi, eraginkor eta erosoa jarriko dugu.
2
Berdintasun Plana eguneratuko dugu eta Emakume Kontseilua bultzatu. Herriko enpresetan Berdintasun eta Kontziliazio Erantzunkide Plan bat landuko dugu.
3
Gizartearen zahartzearen erronkari aurre egiteko, mendekotasun maila txikiagoko nagusientzako Eguneko Arreta-Zentroa zabalduko dugu eta plaza gehiago eskaini Eguneko Zentroan.
4
Aukera berriak eskainiko dizkiegu nerabe-gazteei aisialdi, kirol, kultura eta etxebizitza alorretan. Haien beharrak entzunez, eta gazteen ekimeneko jarduerak indartuz.
5
Ongizatea zentzurik zabalean landuko dugu bai pertsonei dagokienez, bai herriari dagokionez: zaratak zainduz, bizimodu osasungarria sustatuz...
6
Diagnostikoa egingo dugu tokiko merkataritza suspertzeko, eta dagokion ekintza-plana martxan jarriko dugu: belaunaldi erreleboa, lokal hutsak, turismoa, alokairuetarako laguntzak...
7
Programak martxan jarriko ditugu lehen sektorea indartzeko, modernizatzeko eta lehiakor egiteko. Laguntza-plana ezarriko dugu baserritar, ganaduzale eta baso-jabeentzat.
8
Ekintzailetza sustatuko dugu eta aholkularitza eskaini. Autonomoei eta negozio eta enpresa txikiei laguntzeko baliabideak eskainiko dizkiegu.
9
Kanpoko igerilekua eta aisialdi-gunea egiteko proiektua bideratuko dugu eta kirol-azpiegiturak osatuko ditugu: zirkuitua Urrutxun; indoor ziklismo aretoa, rokodromo homologatua, besteak beste. Kultur baliabideen inbentarioa egingo dugu.
10
Zehar-lerroak: bizikidetza, euskara, hezkuntza, kultura eta partaidetza. Errespetuan eta aniztasunean oinarritutako bizikidetza berreskuratzea ezinbestekoa da.
