Ohore bat da niretzat gure herriko, Muruetako, alkategai izatea. Horregatik, bihotz bihotzez eskertu nahi ditut nigan sinistu, konfiantza izan eta lagundu nauten pertsona guztiak. Beraiek barik, honelako ezer ez litzateke posible izango.
Gaztea naiz, hogei urte ditut. Baina beti pentsatu izan dut bizitzako gauza garrantzitsuek, ez dutela adinez ulertzen, baina bai jarreraz eta lanaz, ez dutela adinik, momentua baino.
Momentua heldu da, aurrera pausua ematekoa. Gure herrian, Muruetan, alkategai izateko momentua. Erronka berri hau, erantzukizunez, poztasunez, zintzotasunez, ilusioz eta konpromisoz hartzen dut, hurbiltasunetik eta apaltasunetik, beti gure auzotarren eta Muruetaren zerbitzurako. Niretzako hainbeste dan eta hainbeste maite dudan herria.
Hau guztia, muruetarrak udaletxera hurbiltzeko baliogarria izatea espero dut, herriko orainean eta etorkizunean kolaboratu eta parte hartzeko. Guztiona dan Murueta hau herri hobea egiteko.
Guk egiten ez badugu inork ez duelako guregatik egingo.
Denok jarri behar dugu zerbait denon artean gauzak errazago eta hobeto egiten direlako. Muruetaren indarra, elkartasuna, lankidetza eta solidaritatea direlako. Gehitzea haztea delako.
Orain ez bada noiz?
Guk ez bada nork?
Gu gara oraina eta etorkizuna.
Murueta herrigintzan prest.
Pertsonak garrantzitsuena garen Muruetan sinesten dogu
