Meñakarekin daukadan harremana txikitatik datorkit. Hemen bizi izan naiz luzaro eta herri eder honetako parte sentitzen naiz, nire bizitzaren hainbat etapa bizi izan dituelarik. Alkategai izateko erabakia ilusio handiz hartu dut eta, batez ere, erantzukizun osoz.
Elkarrizketarako bide bat zabaldu nahiko nuke,gure herrikideek behar dituzten hobekuntzak egin ahal izateko, apaltasun osoz lan eginez. Entzuten jakinez eta planteatuko zaizkigun proposamen eta beharrak ondo ulertuz. Urratsez urrats, Meñaka hobetzen jakinez. Argi izanik denon asmoak betetzea oso helburu zaila dela, baina ahalegina egingo dut hemen bizi garen pertsonak erosoago bizi gaitezen, gure herriarekin identifikatuago sentitu gaitezen.
Meñaka integratzailea dut amets, elkarren artean errespetuzko tratua izan dezagun, denok berdinak garelako. Ahaleginak egingo ditut helburu hori lortzera begira. Gure orainaren alde egin nahi dut, gure etorkizunaren alde.
Meñakaren bizi kalitatea bermatuko dogu geure izakera galdu barik
