1
Plan Orokorra garatuko dogu, Markina-Xemein eta Etxebarria arteko saihesbidearen proiektua lehenbailehen gauzatzea bultzatuko dogu eta bidegorri sare bat abiaraziko dogu.
2
Industria-proiektuak herrira erakartzeko plana landuko dogu, kalitatezko lanpostuen sorrera bultzatuz eta gazteak lan-mundura sartzeko bideak erraztuz.
3
Landa garapena bultzatzeko egitasmo integrala egingo dogu baserriko jarduna maila guztietan balioan jarriz.
4
Herriko denden jarduna babestuko dogu eta herriari egiten deutseen ekarpenaren garrantzia azpimarratuko dogu.
5
Kultur-gune barri bat egiteko proiektua garatuko dogu, Uhagon gunearen osagarri izango dana. Euskararen erabilera eta kalitatea sustatuko doguz herriko kultur talde eta eragileekin batera.
6
Umeentzako eremuak egokituko doguz eta gazteentzako mota desberdinetako jardueren antolaketa eta Gazteleku proiektua bultzatuko doguz.
7
Adineko herritarren bizi kalitatea bermatuko dogu, aisialdirako ekintzen antolaketarekin eta San Roke egoitzaren egokitzapen eta handitzearekin.
8
Alokairuko babes ofizialeko etxebizitzak bultzatuko doguz eta hutsik dagozan etxebizitzen erabilpena sustatzeko kanpaina egingo dogu.
9
Herritar danon ongizatea bermatzeko neurriak hartuko doguz arlo desberdinetan (irisgarritasuna, berdintasuna, hondakinen kudeaketa…).
10
Herriaren ahalmen turistikoa garatzeko proiektua landuko dogu eta Santiago bideko erromesei zuzendutako ekimenen sustapena.
