Iñaki Alonso Martin naiz. Gustatuko litzaidake, gure herriko biztanle guztientzat, soilik Iñaki izaten jarraitzea, beti bezala.
Lerro hauen bitartez, EAJ-PNV taldeak Lemoizko Alkatetzarako izango duen hautagai gisa jartzen naiz zurekin harremanetan. Pertsona gaztea naiz, hurbilekoa; auzokideen eta herriaren bizitzan parte hartzen dut, gaitasuna daukat eta arduratsua naiz. Lemoiz hobetzeko gogoa eta ilusioa daukat. Aldi berean berria eta kontinuista den proposamena aurkezten dizut; aurpegi berriak ditu, bai eta dagoeneko ezagunak diren beste batzuk ere. Gaztetasuna eta esperientzia uztartzen ditu, baina, batez ere, konpromiso sendoa hartzen dut Lemoizen alde. Programa eta proiektu berrituak ditugu, ilusioa pizten dutenak, guztion artean Lemoiz parte-hartzaileagoa, irekiagoa, eraikitzeko. Horregatik guztiagatik eman nahi diet ahotsa lemoiztar guztiei.
Lemoiz parte-hartzaile eta hurbilago baten alde
