Gaztetatik, amets egin dut, beti, euskaraz bizi eta sentitzea posible den herri batean, sentsibilitate guztiekin bizikidetzan.
Gure hizkuntzarekiko konpromiso horrek eraman ninduen, apurka, nire udalerriaren aldeko lanean, gero eta gehiago ematen, Leioa ere guzti guztiok sartzen garen hiria izan dadin.
Nire familiarentzat nahi dudan ongizate berbera da leioaztar guztientzat lortu nahiko nukeena.
Leioako auzo batean hazi naiz eta gure udalerriarekin maiteminduta nago. Umiltasuna, entzute aktiboa eta lana izan dira beti nire oinarriak, eta hala izaten jarraituko dute zuen konfiantza ematen badidazue.
Ilusioz bizi dut amets hau nire talde osoarekin batera. Leioakoak gara, Leioa sentitzen dugu eta bizi dugu.
Leioan bizi garen guztion bizi kalitatea bermatu eta hobetu nahi dugu, inor atzean utzi gabe
