Gordexolarra jaiotzez, txikitatik hartu izan dut parte herriko kirol-bizitzan eta, orokorrean, bizitza sozialean. 19 urte nituela hasi nuen ibilbide politikoa EAJ-PNVn. Orduan, 8 urtez aritu nintzen zinegotzi.
Turismoa teknikaria naiz, Deustuko unibertsitatean ikasitakoa, eta nire ogibidea beti egon izan da enpresa turistikoei lotuta. 2015ean, EAJ-PNVk udal hauteskundeetan zerrenda-buru izatea proposatu zidan. Baietza eman nuen jakinda zelako ardura nuen aurretik, baina, aldi berean, Alderdiaren babesa banuen, baita zerrenda osatzen zuten taldekideek transmititzen zidaten konfiantza ere. Bidea ez da erraza izan, baina betetako helburuek ekarritako asebetetzea, ordea, nahikoa izan da bizi izandako une latzak gainditzeko.
Orain, neure burua aurkezten dut datorren aldirako, 4 urte hauek emandako esperintziarekin eta lanean jarraitzeko hasieran izan nituen ilusio eta gogo berberekin. Gure proiektua aurrekoaren jarraipena da eta, oraingoan ere, pertsonak ditugu lehentasun. Azpiegiturak hobetzen, herritarrontzako zerbitzuak areagotzen eta, gure izaera galdu gabe, etorkizuneko erronkei aurre egiteko herri-eredua eraikitzen jarraituko dugu.
Prest gaude!
Gordexolaren alde lan egingo duen talde prestatua gara
