Mikel Magunazelaia Pinaga naz, Armotxerriko Jauregizar-Aurrekoa baserrikoa. Lanbidez, Maisua (BAM-Deuston ikasitakoa) eta neure ibilbide profesionala Gernika-Lumoko Mertzede Ikastetxean hasi dot.
Gure herriarekiko grinak bultzatuta aurkezten naz alkatetzara, egindako gauza on guztiei jarraipena emoteko eta beste hainbat proiektu barri lantzeko. Gaztetatik herriagaz konprometitu eta 2015ean Udalbatzaren parte izateko aukeratua izan nintzen. Obra eta Zerbitzuetako ardura neureganatu eta ilusio handiz lan egin ostean, zentzu askotan, asko hazi eta ikasteko aukera izan dot. Pertsonenganako harreman zuzena izan da nire ardatza eta hori izango dot beti lanerako norabide nagusia.
Historia da nire zaletasun handienetakoa: Foruko memoria historikoa berreskuratzen jardun dot luzaroan, bai neure kontura eta baita be, Gernikazarra Historia Taldearen barruan. Nire artikuluetako batzuk Aldaba aldizkarian eta DEIAko ‘Historia de los vascos’ atalean argitaratu direlarik.
Foruk jauzi handia emon dau azken urteotan eta horretan sakontzera nator. Herriko auzo guzti-guztiak aintzat hartuta, herritar guztiei Udaletxeko ateak parez-pare zabalduta. Konpromiso zehatzetatik eta aurrez aurreko harremanetik kudeatuko dot, maila guztietako erakundeekiko lankidetza gure herriaren onerako baliatuta. Gaztetasunaren ilusioa eta indarra esperientziagaz lotuta. Foruko zokondo guztiak ondo ezagututa. Talde zabal eta prestatu baten babesagaz zuen esanetara, orain arte modura baita aurrerantzean be.
Egindako lanari jarraipena emon eta proiektu barriak landu
