1
Gure nagusien bizi-kalitatea hobetze aldera, bakarrik bizi direnen etxeetan ke-detektagailuak jarriko doguz eta jubilatuen lokala lekuz aldatuko dogu, zerbitzua hobeagoa izan dagien.
2
Energia Berriztagarrien Plana garatuko dogu, udal eraikuntzetan kontsumo jasangarriagoa lortzeko eta frontoiko proiektu integralaren hirugarren eta laugarren faseak martxan jarriko doguz.
3
Eskola barria eraikiko dogu, Eusko Jaurlaritzagaz alkarlanean.
4
Etxebarria eta Markina-Xemeinen arteko saihesbidearen proiektua abiaraziko dogu, Bizkaiko Foru Aldundiaren eskutik.
5
Baserri munduaren beharrizanak kontuan hartuz, baserritarren bizi-kalitatea hobetzeko neurriak hartuko doguz, besteak beste bideak konponduz eta bertoko produktuen kontsumoa indartuz.
6
Gazteegaz alkarlanean, euren premiak identifikatu eta konponbideak bilatuko doguz.
7
Herriko etxebizitzetako irisgarritasuna hobetzeko dirulaguntzak handituko doguz eta auzo-taxiaren erabilpena sustatuko dogu.
8
Emakume eta gizonen arteko lehen Bardintasun Plana garatuko dogu.
9
Hiri-antolamenduko Plan Orokorra lantzen jarraituko dogu, Bizkarra II urtenbidea gauzatzeko. Honekin batera, familia bakarreko etxebizitzak egitea bultzatuko dogu.
10
Barrikuntzari ateak zabaltzen deutsaguz baina gure ohitura eta tradizioak ahaztu barik, hor sendotzen da eta gure herritartasuna. Horregaitik herri-kirolak bultzatzen jarraituko dogu, besteak beste aizkora, idi-probak eta harrijasotzea.
