EAJ-PNVk eskatuta ohore handiz barriro izango naz hautagaitzaren zerrendaburu Berangon datozen udal-hauteskundeetan. Erronka barri hau barriztutako ilusioz eta arduraz aurrera eroateko prest nago, nigaz lanean egongo dan lan-taldeagaz batera, orain aurkezten dautsuguzan konpromiso barriak geureganatu eta garatzeko prest.
Talde hau Berangoko andra eta gizonak osatzen dabe, gure udalerria sakon ezagutzen daben pertsonak, guere udalerria eta bere gabeziak eta indarguneak. Pertsona hauek gertu, konpromisoa emonda eta prest dagoz Berangoren alde emoteko euren ilusio eta lanaren indarra. Talde honetan batzen dira pertsona barriak eta garrantzi handiko gaietan euren gaitasuna eta konpromisoa erakutsi daben norbanakoak: herritarren parte hartzean, gazteriarentzako proiektu barrietan, gizarte zerbitzuetan, kiroletan, edo Burdin hesiaren museoaren zuzendaritzan.
Erronka barriak Berangoko auzotarren bizitza-kalitateagaz konprometituta dagoen taldearentzat
