Asier Iragorri Basaguren naiz, 50 urteko basauriarra. Nik nire herrian, herria osatzen dugun pertsonengan eta taldeko lanaren potentzialean sinesten dut. Nire lehenengo lasterketak egin nituen Arizko auzoan eta ikastolan.
Ezkondu nintzenean, Pozokoetxera joan ginen bizitzera eta bertan, leku lasai horretan, gure bi seme-alabak hezi ditugu, mutil bat eta neska bat. Irakasle-ikasketak egin ostean, profesionalki hezkuntzaren eremuan jardun dut eta Lehen Hezkuntzako irakasle bezala lan egin dut Bilboko eskola-zentro batean.
Duela zortzi urte, aukera eman zidaten EAJ-PNVren taldeko kide izateko Basauriko Udalean, non gaur egun Gizarte-politikako eta Teknologia Berrietako zinegotzia naizen. Zerbitzu publikoko lehenengo etapa honetan, Basauriren alde lan egiteko eta gure herria hobetzen laguntzeko aukera izan dut eta oso esperientzia atsegingarria iruditu zait. Orain, ilusioarekin, erantzukizunarekin eta umiltasunarekin aurre egiten diot alkate izatearen eta gure herriaren etorkizunaren alde lan egitearen aukerari. Azkenengo bi legegintzaldi hauetan, Basauriren aurrerapena oso ikusgarria izan da baina, oraindik, zenbait erronka ditugu gainditzeke are gehiago aurrera egiteko.
Basaurik aurreratzen eta pertsonak zaintzen jarraitu behar du eta EAJ-PNVren taldeak hor jarraituko du aurrekoa posible izan dadin.
Aurrerapenaren eta pertsonen alde dagoen herria nahi dugu
