Duela urte batzuk Barakaldoko alkatetzan EAJ-PNV ordezkatzea proposatu zidatenean, BAI besterik ezin izan nuen esan. Bai Barakaldori, nire herrirako lan egiteko eta bertan bizi garenon bizitza atseginagoa egiten saiatzeko neure harri-koskorra ekartzeko. Hau nire bizitzaren erronkarik politenetakoa da. Gaineratu nahi dut, gure hiriaren historian kargu hau duen lehenengo emakumea naizela, eta honek ardura handia sortarazten dit. Espero dut etorkizunean emakume askok
Barakaldo ordezkatzeko aukera izatea.
Lan gogorreko lau urte izan dira, zailtasun asko gainditu ditugu,baina urte zoragarriak ere izan dira. Ziur nago zure herriko alkatea izatea bezain kargu publiko hoberik ez dagoela, zure auzokideen beharrak zuzenean entzun ahal izatea eta asetzeko lan egitea.
Ibilbide honetan, EAJ-PNV-ren gizon eta emakumeen babesa izateko zoria izan dut, bai Barakaldokoenak bai Euskadikoenak. Pertsona hauengandik egunero ikasten dut, nire erreferente eta eredu dira. Baina batez ere, Barakaldoko Udal taldearen laguntza izan dut. Ez dut inoiz ezagutu hau bezalako giza-talderik, hainbesteko konpromiso, ardura eta hiriarekiko grina duena. Luxua izan da haiekin bidaia hau egitea eta are gehiago haiekin jarraitu ahal izatea, Barakaldon aurrera egiteko aukeratu dugun egitasmorako.
Hauteskunde hauetan neure burua aurkezten dut berriro Barakaldoko alkatetzarako EAJ-PNV alderdiaren hautagai, eta joan den legislaturan lagundu zidaten gizon eta emakumeekin egiten dut, zein ilusio, eskarmentu eta ezagutza gehitzen duten eransketa berriekin./p> Orain dela lau urte Barakaldok eskatzen zuen aldaketa errealitate bihurtu zen. Egia da 30 urte baino gehiagoko inertzia ez dela lau urtetan aldatzen, baina aldaketa horrek atzerako martxarik izan ez dezan oinarriak jarri ditugu, era berean Barakaldo garai ilunera inoiz itzul ez dadin, aurrera egiten jarraitzeko eta abiadura har dezan.
Legislatura berrira inoiz baino indar gehiagorekin aurkezten gara, ilusio berriztatuarekin eta Barakaldorako etorkizunerako egitasmoa dugula. Etorkizunerako egitasmo hau gurekin partekatzera gonbidatzen zaituztegu, hainbeste maite dugun Barakaldo hazi dadin, gure ardura, konpromiso eta lana eskainiz.
GORA BARAKALDO!
Hamar hamarrerako, Barakaldo bikaina lortzeko
