Udal politika ez da erreza, baina bai da aberasgarriena eta ederrena. 1999an hasi neban nire ibilbide politikoa, oposizinoko zinegotzi gisa, eta 2003an EAJ-PNV alkatetzara heldu zan.
Holan bihurtu nintzen herri honetako alkate, eta 2015ean txanpon batek erabagi eban nire taldea oposizinora bueltetea.
Azken urte honeetan guztietan ikusi ahal izan dot Arantzazu hazi egin dala, hazi egin da ongizate mailan, zerbitzu publikoetan, mugikortasunean, jasangarritasunean, azpiegituretan… eta bide beretik jarraitutea gura dot. Horregaitik, herritarren esanetara jartzen naz barriro. Barriro be, ilusinoz beteta, apaltasun eta erantzukizun osoz, hori bai, herri honetako herritar bakoitzaren alde lan egiten jarraitzeko gogo handiakaz. Herri irisgarriagoa dot amets, etengabe garatzen jarraituko dauana, eta alkarbizitza erreferente nagusitzat izango dauana. Eta lan horretan ez naz bakarrik egongo. Bidelagun daukat lantalde prestatua, arduratsua eta euskalduna. Arantzazuren alde lan egiteko gogo handiakaz, apaltasunez, zintzotasunez, gardentasunez eta hurbiltasunez.
Bide honetan, zu zeu be etortea gurako neuke, zure iritzia emonaz, zure ekarpena eginaz… Zu barik Arantzazu ez da ezer.
Arantzazu bizi eta kohesionatua dogu amets
