ABADIÑO 2019

ABADIÑOKO ALKATETZARAKO HAUTAGIA

Mikel Garaizabal


23 urte egin barri nituenean, hasi zen nire ibilbidea Abadiñoko politikagintzan. Lau urte geroago, zinegotzi eta Abadiñoko Udaleko bigarren alkate-orde izendatu ninduten.

Mikel Garaizabal

Hainbat urte lehenago, nire aita (Jesus Garaizabal) eta nire aitita (Jose Iturrriagaetxebarria), nik hartutako ardura berdina hartu zuten, herriko zinegotzia izatearena. Azken finean, abadiñarren zerbitzura egotearena eta denon ongizatearen alde lan egitearena.

Azkeneko urte hauetan, herriko EAJ-PNVko Uri Buru Batzarreko lehendakaria izanik, nire lana Udaleko ordezkariei babesa eta laguntza ematearena izan da. Betebehar honekin batera, herriko Barrizten Kultur eta Abadiñoko Laubideta Triatloi elkarteetako sortzaile bezala ere aritu naiz. Beste kolektibo edo elkarteetan ere kolaboratu dut, besteak beste Traña-Matiena Eskolako Guraso Elkarteko (IGEko) kirol sailean.

42 urte dauzkat, ezkonduta nago eta neskato baten aita naiz. Tekniko bezala Traña-Matienako Pierburg enpresan lan egiten dut eta oso gustokoa dut natura eta kirola. Nire haurtzaroa, poz-pozik igaro nuen famili artean baserri giroan. Ganaduzalea naiz.

Etorkizunean, gustatuko litzaidake beti egin dudana egiten jarraitzea: Abadiñoren alde lan egitea. Arrazoi honegaitik, gonbitea luzatzen dizut amesten dudan proiektu honen partaide izatera.

Lantaldean jardungo dugu, gertutasunetik eta zintzotasunez

TALDEA

  • Mikel Garaizabal Iturriagaetxebarria
  • Iñaki Rekalde Muniai
  • Ana Gomez Perez
  • Carmen Marco Gorostiza
  • Alberto Guerra Gomez
  • Amaia Oskoz Uribasterra
  • Olatz Villa Agirre
  • Iñaki Bidaurratzaga Undabarrena
  • Laura Sanchez Meñika
  • Eneko Etxebarria Alberdi
  • Kontxi Perez Sanchez
  • Axier Garate Azpitarte
  • Silvia Caballero Gomez

EGITASMOA

1
Lan-orientazio zerbitzu berri baten bitartez Abadiñon egoera txarrenean dauden pertsonei lana bilatzen lagundu.
2
Pertsona nagusiei etxez-etxeko janari zerbitzua eskaini eta herriko nagusien elkarteekin eta Lagunkoia proiektuarekin elkarlanean aritu.
3
Etxeko alokairua ordaintzeko gazteei dirulaguntzak eman eta gazteen lonjak legalizatu gutxieneko segurtasuna ezarriz.
4
Musika eskola bat sortu eta, eskolekin batera, ikasleriaren onurarako diren programak ezarri: eskola jazarpena jarraitu, droga arazoak konpondu, erlazio afektibo-sexualak zaindu, berdintasuna sustatu...
5
Umeentzako neguko ludoteka martxan ipini eta udalekuei egun gehiago gehitu.
6
Elkarteak aholkatu eta herriko kirol eskaintza berdintasunean eta euskarazko printzipioekin kudeatuko duen teknikari bat kontratatu.
7
Nekazaritza, abeltzaintza eta baso eremuetako elkarteekin batera lantaldean, lehen sektore errentagarri, lehiakor eta iraunkor baten alde egin.
8
Aurrekontu irekiak martxan ipini eta mugikorrentzako doako aplikazio bat sortu herriko informazioa era bizkor eta baliagarrian jasotzeko.
9
Kotxeentzako aparkaleku gehiago bultzatu eta oinezkoentzako segurtasuna handitu zebra bideetako argitasuna hobetuz.
10
Baliabide turistikoen Udal Katalogo bat sortu eta Abadiñoko merkatu txikietako erosketak sustatu.