Josu Idigoras Egia naiz. Duela 47 urte jaio nintzen Amorebieta-Etxanon eta 20 urte daramat Zumarragan bizitzen. Nire haurtzaroko eta gaztetako oroitzapenak han daude, Amorebieta-Etxanon, eta nire urte onenak senar, aita eta profesional bezala, Zumarragan bizi izan ditut, nire herria sentitzen dudan Zumarrgan. Hemen hazi eta hezi ditut nire alaba, Miren, eta nire semea, Jon.
Enpresa-ikasketak bete nituen eta gaur egun, Sueskolan egiten dut lan administrazio, kontabilitate eta finantza saileko buru gisa. Denbora librean txirrinduaz, mendiaz eta musikaz gozatzeaz gain, herri eta herritarrentzat lanean ematen dut udal zinegotzi bezala 2011z geroztik.
Batzuek ezagutzen naute, bost urtez Urretxu-Zumarraga Ikastolako presidente izan naizelako eta sinesten dudan gauzen alde beti azaldu dudan konpromiso irmoagatik. Agian, horregatik sartu nintzen EAJn 17 urte besterik ez nituela. Bizitzako erabakirik onenetakoa izan da, konpromisorik gabe, ideiarik gabe eta ahaleginik gabe, etorkizunik ez baitago. Ez orainik ere.
Zumarraga isolatuta dago, eta honekin amaitzera goaz
