1
Kudeaketa arduratsua gauzatuko dugu. Gardentasuna eta komunikazioa izango dira politikagintzan aritzeko gure ereduaren bideerakusleak.
2
Lehen sektoreari babesa emango diogu eta tokiko ekoizleei bultzada emango diegu. Baso bideak eta abereentzako bideak hobetzeko lanak sustatuko ditugu.
3
Menpekotasun egoeran dauden adineko pertsonen premien inguruko azterlan bat egingo dugu. Menpekotasun maila kontuan hartuko ez duen laguntza programa abian jarriko dugu.
4
Euskararen ezagutza eta erabilera sustatuko ditugu komunikaziorako eremuak ahalbideratu eta ikasteko laguntzak abian jarriz.
5
Museo etnografikoa, Done Jakue eta Ignaziar bideak eta herri inauteria sustatuko ditugu, Zalduondo Lautadako erreferente kultural eta etnografiko izan dadin.
6
Kirola eta kultura sustatuko ditugu. Inguruko Udalekin hitzarmenak sinatuko ditugu zalduondoarrek jardueretan parte hartu eta beren instalazioak erabiltzeko aukera izan dezaten.
7
Energia eraginkortasunez erabili eta aurrezteko politikak garatuko ditugu, energia berriztagarriei bultzada emanez eta argiteria publikoa LED-ekin ordezkatuz.
8
Azpiegiturak, hargune-sareak eta ur hornidurasareak hobetuko ditugu uda garaian hornidura arazoak saihesteko.
9
Aizkorri-Aratz parkeak eskaintzen dituen natur aukera paregabeak baliatuko ditugu, ibilbideak seinaleztatu eta turismo berdea sustatuz. Zumarraundiko bidea egokituko dugu.
10
Banda zabala orokortu eta komunikazioa hobetuko dugu. Teknologia berrien erabilera sustatuko dugu eta udal webgune bat sortuko dugu.
