Koldobike Olabide Huelga dut izena, 56 urte ditut eta legazpiarra naiz, Mirandaola baserrikoa. Seme-alaben ama, 29 urte beteta dago mutila eta neska 26.
EHU-UPVn Kimika Zientzietan lizentziatua Petrokimiko espezialitatean eta 1988tik ingurumen sektorean lan egin dut, lehenik enpresan pribatuan eta 1995 eta 2015 artean ingurumen aholkularitzako neure enpresan.
Legazpiar bezala, gizarte arloan oso pertsona aktiboa izan naiz, Kilometroak 94ko antolaketetan, Legazkide elkartearen sorreran eta zuzendaritzan, Legazpiko aurrerapen sozioekonomikoa sustatzeko, Haztegi Ikastolako Gurasoen Elkartean, Musika eskola eta Ilintxa kirol elkarteko arduradun taldean.
2015eko Udal hauteskundeetan legazpiarrek beren konfiantza eman zidaten Legazpik behar zuen aldaketaren buru izateko eta alkate izendatu ninduten. Legealdian ere Urola Garaiko Mankomunitateko burua, UGGASA Urola Garaiko Garapenerako Agentziako presidentea eta Urola Garaiko Fundaziokoa, UGLE Eskola, Lanbide Heziketako Zentroa, hor barruan dagoelarik.
Orain berriro aurkezten naiz Legazpiko Udalerako alkategai EAJ-PNVren zerrendan. Orain lau urte eraiki genuen proiektuari jarraipena emateko gogo eta ilusioarekin, Legazpi hobea lortzeko bidea delako.
Bizitzeko, lan egiteko eta gozatzeko Legazpi bat
