1
Pertsonei zuzendutako garapen ekonomikoa, bidezko gizartea eraikitzeko, eta kohesionatua. Kalitatezko enplegua eta lanerako aukera berriak, gazteek ere bizi-proiektua izan dezaten.
2
Aurrera doan hiria, etorkizuneko jardueretan oinarritua: ikerketa aurreratua, biozientziak, elektromugikortasuna, zibersegurtasuna, kluster berezituei bultzada eta Talent House berria.
3
Bertan bizi ahal izatea bermatu. Eraikitako hiria begiratuz, etxebizitzak zatikatzea eta babestutako etxebizitza-garapen berriak ahalbidetu.
4
Apustu garbia kudeaketa eraginkorraren alde: gardena, datuetan oinarritua eta herritarren partehartzeaz, konfi antza handiagoa lortzeko. Ogasuna eta Finantzak zorroztasunez kudeatzen jarraitu.
5
Adineko pertsonen zaintzari lehentasuna. Kohesiorako politikak, arreta eta prebentzioa eskainiz haurtzaroari eta familiei, esklusio arriskuan dauden pertsonei, genero indarkeriaren biktima diren emakumeei eta kolektiborik zaurgarrienei. Inor bazterrean utzi gabe.
6
Kirola modu osasungarriagoan bizitzeko eta gizarte-kohesiorako bitarteko gisa. Berdintasuna eta parte-hartzea sustatu. Kirol instalazioetan inbertsio handiagoak egiteko asmoa dugu.
7
Donostiak hiri garbia izan behar du, donostiar guztion artean zaindua. Hiria txukun eta dotore mantentzen jarraituko dugu, ongi argiztaturik, hiri segurua. Arin erantzunez herritarren auzoko beharrei.
8
Obra publikoan inbertsioak egitea hiriaren ehuna indartzea da: Easoko trenbide-hondartza, Loiolako kuartelak, Gobernu Zibilaren eraikina, Kontxako pasealekua zabaltzea, Bretxako eta Aieteko anbulatorioak, Altzako kiroldegia, Loiola oinezkoentzat mugatzea…
9
Klima aldaketari mugikortasunaren bitartez aurre egingo dion hiria, garraio publiko moderno, irisgarri eta eraldatzaileaz. Dbus-en autobus flota %100 elektrikoaren aldeko apustua.
10
Kulturaren eta sormenaren euskal hiria garela berretsi. Euskararen Hiria izaten jarraitu eta gure nortasun-zeinuak indartu. Giza Eskubideekiko gure kultura zibikoa hobetu, denon arteko bizikidetza sanoagoa izan dadin. Bakean bizi gaitezen. Eta memoriarik galdu gabe.
