Elena Lete Garcia naiz. 1965eko martxoaren 17an jaio nintzen Bergaran eta ikasketak burutu nituen urteetan izan ezik, Bergaran eman dut bizi osoa. Ezkondua naiz eta hiru seme alaben ama.
Lanbidez Arkiteko Teknikoa, Burgoseko eskola Politeknikoan egin nituen nire ikasketak. Nire ibilbide profesionala Euskal administrazioan garatu izan dut: 1989-1990. Gipuzkoako Foru Aldundian, Ogasun sailean, balorazio teknikari bezala. 1991-2010. Arrasateko Udalean, obra eta hirigintzako teknikari bezala. Lehenik Hirigintza sailean eta ostean, Lan eta Zerbitzu sailean. 2011-2012. Arrasateko Udalean, obra eta mantentze lanen brigada buru. 2013-2015. Eusko Jaurlaritzako, Lurralde Plangintza, Hirigintza eta Datu Espazialen Egitura sailean. 2015-2019. Hirigintza eta Lurralde Antolamenduko zinegotzi Bergarako Udalean. 2016-2019. Bergarako Alkate. Ibilbide profesionalean abiatu orduko euskara ikasten hasi nintzen. Euskaldun berria naiz beraz. Nire zaletasunen artean, irakurketa eta sukaldaritza. Azken honi eskaintzen diot denbora gehien. Familia eta lagunekin egotea ere atsegin dut. Azken urteotan ez dut asti handirik izan kirolean aritzeko, baina edukitzekotan igeriketa, mendi ibilaldiak eta bizikleta estatikoa ditut gogokoen.
Lanean jarraituko dugu, kudeaketa eraginkor batekin eta, aldi berean, herritarrengandik gertu
